دوائی سے حیض روکنے کے بعد عمرہ کر لیا پھر خون نظر آنے پر عمرہ کا حکم:

صورتِ مسئولہ میں چونکہ ایام عادت میں دوبارہ خون شروع ہوا، لہذا حالتِ حیض میں عمرہ شمار ہوگا، اس لیے اب دوبارہ عمرہ کرے، اگر اعادہ نہیں کیا تو دم لازم ہوگا ۔
ملاحظہ ہو شامی میں ہے:

اعلم أنه لا يشترط استمرار الدم فيها بحيث لا ينقطع ساعة، لأن ذلك لا يكون إلا نادراً بل انقطاعه ساعة أو ساعتين فصاعداً غير مبطل كذا في المستصفى بحر، أي لأن العبرة لا وله وآخره. (فتاوى الشامي: ۱/۲۸٤، باب الحيض، سعيد).

عمدۃ الفقہ میں ہے:
اگر کسی حیض والی عورت کا خون کسی دوا سے یا بغیر دوا کے منقطع ہو گیا یا پوری طرح منقطع نہیں ہوا پس اس نے غسل کیا یا نہیں، اور طواف کیا پھر اس کا خون عادت کے دنوں میں دوبارہ شروع ہو گیا، تو اس کا طواف حالتِ حیض میں شمار ہوگا، یعنی دوا سے کوئی فرق نہ ہوگا دم متوال کے حکم میں ہو کر عمرہ حیض میں شمار ہوگا ۔ (مستفاد از عمدۃ الفقہ: ٤/۵۲٦، مجددیہ) ۔
مزید ملاحظہ ہو:
الفتاوى الهندية: ۱/۲٤۷. والدر المختار مع الشامي: ۲/۵۵۱، سعيد. والبحر الرائق: ۳/۲۲، كوئته.

واللہ سبحانہ و تعالی اعلم