بغیر آلات کے موسیقی کی آواز نکالنے کا حکم:

بصورتِ مسئولہ مذکورہ طریقہ پر گانا ممنوع اور ناجائز ہے، وجہ یہ ہے کہ شریعتِ مطہرہ میں موسیقی کے آلات بذاتِ خود مقصود نہیں بلکہ آواز مقصود ہے جب اس کی آواز موسیقی کی طرح ہے تو اس کا استعمال درست نہیں، اس سے اجتناب کرنا چاہیے، نیز بعض علماء اس کو تشبہ بالفساق کی وجہ سے ناجائز کہتے ہیں، اور حدیث:
من تشبه بقوم فهو منهم
، کی وعید کے تحت اس کو داخل فرماتے ہیں ۔
چنانچہ مرقات میں ملا علی قاری رحمه الله اس حدیث کے تحت فرماتے ہیں:

من تشبه بقوم، أي من شبه نفسه بالكفار مثلاً في اللباس وغيره أو بالفساق أو الفجار أو بأهل التصوف والصلحاء الأبرار، "فهو منهم" في الإثم والخير، قال الطيبي رحمه الله: هذا عام في الخَلق والخُلق والشعار. (مرقاة المفاتيح: ۸/۲۵۵، كتاب اللباس، ط: إمداديه، ملتان).

واللہ سبحانہ و تعالی اعلم