مسجد کے لیے کا فر کا چندہ قبول کر نا:

فتاوی رحیمیہ میں ہے:
مسجد مدرسہ کی عمارت کو نقصان ہوا تو امداد لینے کی گنجائش ہے ۔ (فتاوی رحیمیہ: ۲/۱۵۷) ۔
فتاوی محمودیہ میں ہے:
اگر ان کے نزدیک مسجد بنانا عبادت و ثواب ہے اور دوسرا کو ئی مانع بھی نہیں تو ان کا روپیہ تعمیر مسجد میں لگانا شرعاً درست ہے آیت میں عمارت سے مراد مسجد کی آبادی، تولیت اور انتظام ہے ۔ (فتاوی محمودیہ ۱/٤۸۷) ۔
عمدۃ القاری میں ہے:

ومن فوائد هذا الحديث جواز الاستعانة بأهل الصنعة فيما يشمل المسلمين نفعة (عمدة القاري: ۳/٤۷۸).

عبارت کا خلاصہ یہ ہے کہ اگر کوئی غیر مسلم مسجد یا مدرسہ یا کسی اور دینی کام کے لیے چندہ دے اور نیت حصولِ ثواب کی ہو اور عبادت سمجھے تو شرعاً قبول کرنا اور اس کو استعمال کرنا درست ہے، بشرطیکہ کسی فتنہ کا اندیشہ نہ ہو اور احسان سمجھ کر نہ دیا ہو ۔