مریض کا غیر قبلہ کی طرف منہ کر کے نماز پڑھنے کا حکم:

مسئلہ بالا میں امام صاحب رحمه الله کے نزدیک مریض کی نماز ہو گئی، البتہ صاحبین رحمه الله کے نزدیک مریض کا دوسرے کو حکم کرنا ضروری تھا اور اس نے بلا کہے نماز پڑھی تو نماز نہیں ہوئی، اکثر حضرات نے صاحبین رحمه الله کے قول کو ترجیح دی ہے۔ ملاحظہ ہو در مختار مع رد المحتار میں مرقوم ہے:

وقبلة العاجز عنها لمرض وإن وجد موجهاً عند الإمام أو خوف مال وكذا كل من سقط عنه الأركان، جهة قدرته. وفي رد المحتار: قوله عند الإمام؛ لأن القادر بقدرة الغير عاجز عنده لأن العبد يكلف بقدرة نفسه
ٖ
لا بقدرة غيره خلافاً لهما فيلزمه عندهما التوجه إن وجد موجهاً وبقولهما جزم في المنية والمنح والدرر والفتح بلا حكاية خلاف. (الدر المختار مع رد المحتار: ۱/٤۳۲، سعيد).

فتح القدیر میں مذکور ہے:

وعلى هذا الخلاف إذا كان مريضاً لا يقدر على الاستقبال أو كان في فراشه نجاسة ولا يقدر على التحول عنه ووجد من يحوله ويوجهه لا يفترض عليه ذلك عنده

وعندهما تثبت القدرة بآلة الغير لأن آلته صارت كآلته بالإعانة وكان حسام الدين يختار قولهما. (فتح القدير: ۱/۱۲٤، دار الفكر).

عمدۃ الفقہ میں مرقوم ہے: اگر کوئی مریض کسی مرض کے سبب سے قبلہ کی طرف منہ نہیں کر سکتا اور اس کے پاس کوئی ایسا شخص بھی نہ ہو جو اس کا منہ قبلہ کی طرف پھیر دے یا پھیرنے والا تو موجود ہے لیکن منہ پھیرنا بیمار کو نقصان دے گا تو وہ جدھر کو چاہے نماز پڑھ لے، اور اگر بیمار کا منہ قبلہ کی طرف کرنے کے لیے کوئی شخص موجود ہے اور منہ پھیرنا اس کو نقصان بھی نہیں کرتا تو امام ابو حنیفہ رحمه الله کے نزدیک وہ بھی معذور ہے اس لیے کہ ان کے نزدیک ہر شخص اپنی قدرت کے ساتھ مکلف ہے نہ کہ دوسرے کی قدرت کے ساتھ، پس غیر کی قدرت کے ساتھ قادر ہونا بھی عذر و عجز ہے، لیکن صاحبین رحمه الله کے نزدیک اگر دوسرے کی مدد سے قبلہ رخ ہو سکتا ہو اور دوسرا اس کے پاس موجود ہو تو وہ معذور و عاجز نہیں ہے اور معذور کی طرح جس جہت پر قادر ہو اس طرف نماز پڑھنے سے نماز درست نہ ہو گی بلکہ قبلہ رخ ہونا ضروری ہوگا، اسی پر اعتماد کیا گیا ہے۔ (عمدۃ الفقہ: ۲/٦۳)۔
واللہ سبحانہ و تعالی اعلم