سجدۂ تلاوت رہ جانے پر وجوبِ فدیہ کا حکم:

احتیاطاً سجدۂ تلاوت کا فدیہ دے دیا جائے تو درست ہے لیکن واجب نہیں ہے ۔
ملاحظہ ہو شامی میں ہے:

ولا رواية في سجدة التلاوة أنه يجب أولا يجب كما في الحجة والصحيح أنه لا يجب كما في الصوفية إسمعيل. (شامي: ۲/۷۳، باب قضاء الفوائت، سعيد. وكذا في البحر الرائق: ۲/۹۱، كوئتة)

حضرت مفتی محمد شفیع صاحب نے جواہر الفقہ میں تحریر فرمایا ہے:
سجدۂ تلاوت رہ گئے ہوں تو احتیاط اس میں ہے کہ ہر سجدے کے بدلے میں پونے دو سیر گندم یا اس کی قیمت کا صدقہ کیا جائے ۔ (جواہر الفقہ:
۱/۳۹۳
، مسائل فدیہ نماز و روزہ وغیرہ، مکتبہ دار العلوم کراچی) ۔
واللہ سبحانہ و تعالی اعلم