حج کی فرضیت کے بعد بیوی بچوں کا منع کرنا :

جس شخص پر حج فرض ہو اس کو اسی سال حج کرنا ضروری ہے تاخیر کرنا صحیح نہیں ہے، اور بیوی بچوں کا ان کار کرنا صحیح نہیں، اس کی طرف خیال نہ کرے جب کہ شرائط موجود ہوں اور موانع نہ ہوں، اور مرد کے خیال میں عورت، بچوں کے لیے کوئی خطرہ نہ ہو، ہاں نفل حج ہو تو اس میں مصلحت دیکھی جائے گی یعنی گھر والوں کے لیے اطمینان کے اسباب مہیا کر دے پھر حج کرے، مصلحت کا خیال رکھ کر خود فیصلہ کر لے ۔
ملاحظہ ہو بدائع الصنائع میں ہے:

وروينا عن النبي ﷺ أنه قال: من ملك زاداً وراحلة تبلغه إلى بيت الله الحرام، فلم يحج فلا عليه أن يموت يهودياً أو نصرانياً، ألحق الوعيد عمن أخر الحج عن أول أوقات الإمكان. (بدائع الصنائع: ۲/۱۱۹، سعيد).

فتاوی ہندیہ میں ہے:

وكذا إن كرهت خروجه زوجته وأولاده أو من سواهم ممن تلزمه نفقته وهو لا يخاف الضيعة عليهم فلا بأس بأن يخرج. (الفتاوى الهندية: ۱/۲۲۱. وكذا في الفتاوى التاتارخانية: ۲/۵۷۷).

فتاوی رحیمیہ میں ہے:
فرضیتِ حج کے بعد اسی سال حج کرنے کے لیے جانا ضروری ہے جب کہ کوئی شرعی عذر نہ ہو بلا وجہ سال دو سال تاخیر کرنے پر فاسق و گنہگار ہوگا اور اگر حج ادا نہ کر سکا تو سخت وعید اور سزا کا مستحق ہوگا ۔ (فتاوی رحیمیہ: ۵/۲۱۵) ۔
واللہ سبحانہ و تعالی اعلم