مسافر کا گھر واپس آ کر عمداً کھانے سے کفارہ کا حکم:

استحسان کا تقاضا یہ ہے کہ اس پر کفارہ لازم نہ ہو، اور وجہ استحسان یہ ہے کہ وہ آدمی مسافر شرعی بن گیا تھا، اور مسافر کے لیے حالتِ سفر میں صوم و فطر میں اختیار ہے، مسافر اگر سفر میں روزہ توڑ دے تو اس پر کفارہ واجب نہیں ہوتا، لہذا اس پر بھی کفارہ واجب نہیں ہوگا ۔
لیکن قیاس کا تقاضا یہ ہے کہ اس آدمی پر کفارہ واجب ہو اور وجہ قیاس یہ ہے کہ وہ شخص درمیان میں سفر چھوڑ کر واپس وطن آگیا اور مقیم کے حکم میں ہو گیا اور مقیم عمداً روزہ توڑ دے تو اس پر کفارہ واجب ہوتا ہے لہذا اس پر بھی کفارہ واجب ہوگا، اور اس مسئلہ میں فتویٰ قیاس پر ہے ۔ یعنی کفارہ واجب ہوگا ۔

قال في الدر المختار: إلا إذا دخل مصره لشيء نسيه فأفطر فإنه يكفر، وقال في الشامية: أي قياساً لأنه مقيم عند الأكل حيث رفض سفره بالعود إلى منزله وبالقياس نأخذ، خانية، فتزاد هذه على المسائل التي قدم فيها القياس على الاستحسان.
(الدر المختار مع رد المحتار: ۲/٤۳۱، سعيد). (وكذا في مجمع الأنهر: ۱/۳٦٦، بيروت، والفتاوى الهندية: ۱/۲۰۷، والمحيط البرهاني: ۲/۵٦٦).

واللہ سبحانہ و تعالی اعلم