شیخ فانی کے لیے مسنون اعتکاف کا حکم:

مسنون اور واجب اعتکاف دونوں کے لیے روزہ شرط ہے بایں وجہ اس بوڑھے شخص کا مسنون اعتکاف درست نہیں ہوگا، ہاں نفل اعتکاف ہو جائے گا۔

قال في الشامية: ومقتضي ذلك أن الصوم شرط أيضاً في الاعتكاف المسنون، لأنه مقدر بالعشر الأخير، حتى لو اعتكفه بلا صوم لمرض أو سفر ينبغي أن لا يصح عنه، بل يكون نفلاً، فلا تكون به إقامة سنة الكفاية. (فتاوى الشامي: ۲/٤٤۲، سعيد).

فتاوی محمودیہ میں مرقوم ہے:
یہ اعتکاف سنتِ مؤکدہ علی الکفایہ ہے، اگر بغیر روزہ کے یہ اعتکاف کیا تو یہ اعتکافِ مسنون نہیں ہوگا، بلکہ نفل بن جائے گا۔ (فتاوی محمودیہ: ۱۰/۲۲۰، جامعہ فاروقیہ)۔
واللہ سبحانہ و تعالی اعلم