روزہ کے بغیر مسنون اعتکاف کا حکم:

مسنون اعتکاف کے لیے روزہ شرط ہے لہذا صورتِ مسئولہ میں بوڑھے میاں کا اعتکاف نفلی ہو جائے گا سنت ادا نہ ہو گی ۔
ملاحظہ ہو فتاوی شامی میں ہے:

ومقتضي ذلك أن الصوم شرط أيضاً في الاعتكاف المسنون لأنه مقدر بالعشر الأخير حتى لو اعتكفه بلا صوم لمرض أو سفر ينبغي أن لا يصح عنه، بل يكون نفلاً فلا تحصل به إقامة سنة الكفاية. (الشامي: ۲/٤٤۲، باب الاعتكاف، سعيد).

فتاوی محمودیہ میں ہے:
عشرۂ اخیرہ کا اعتکاف سنتِ مؤکدہ علی الکفایہ ہے، اگر بغیر روزہ کے یہ اعتکاف کیا تو یہ اعتکاف مسنون نہیں ہوگا، بلکہ نفل بن جائے گا، البتہ اگر ایک دن روزہ نہ رکھا تو صرف ایک دن کے اعتکاف کی قضاء لازم ہو گی ۔ (فتاوی محمودیہ: ۱۰/۲۲۰، مبوب و مرتب)۔
فتاوی رحیمیہ میں ہے:
سوال: عشرۂ اخیرہ کے اعتکاف کا قصد ہے، لیکن روزہ رکھنے کی سکت نہیں ہے، تو بدون روزہ رکھے اعتکاف صحیح ہے یا نہیں؟
الجواب: مسنون اعتکاف کے لیے روزہ شرط ہے، لہذا روزہ کے بغیر اعتکاف نفلی ہے، مسنون اعتکاف نہیں ہے ۔ (فتاوی رحیمیہ: ۳/۱۱۰ کتاب الاعتکاف)۔
واللہ سبحانہ و تعالی اعلم