انٹرنیٹ پر ویڈیو کال سے خلوتِ صحیحہ کا حکم:

نکاح کے بعد ویڈیو کال کے ذریعہ بات چیت کرنا خلوتِ صحیحہ کے زمرہ میں نہیں آتا، کیوں کہ خلوتِ صحیحہ کی تعریف یہ ہے کہ میاں بیوی ایسے مکان میں جمع ہو جائیں جہاں حسی، طبعی یا شرعی رکاوٹ مانع وطی موجود نہ ہو، جب کہ ویڈیو کال میں اس کا تحقق نہیں ہوتا ۔ ملاحظہ ہو "الفتاوی الہندیہ" میں ہے:

الخلوة الصحيحة أن يجتمعا في مكان ليس هناك مانع يمنعه من الوطء حساً أو طبعاً كذا في فتاوى قاضيخان. (الفتاوى الهندية: ۱/۳۰٤).

الدر المختار میں ہے:

والخلوة

بلا مانع حسي كمرض لا حدهما يمنع الوطء وطبعي كوجود ثالث عاقل

وشرعي كإحرام لفرض أو نفل. (الدر المختار مع رد المحتار: ۳/۱۱٤).