طلاقن کہنے سے طلاق کا حکم:

بصورتِ مسئولہ طلاقن کہنے سے اس کی بیوی پر ایک طلاق رجعی واقع ہو گئی، ہاں اگر اس نے سب شتم کرتے ہوے کہا تو دیانۃً اس کی بات مانی جائے گی اور طلاق واقع نہ ہو گی ۔
ملاحظہ ہو امداد الاحکام میں ہے:
البتہ طلاقن اور مطلقہ کہہ کر پکارنے سے زوجہ پر ایک طلاق رجعی واقع ہو چکی ہے (امداد الاحکام: ۲/۴۱۸) ۔

وفي الشامية: يا طالق أو يا مطلقة بالتشديد ولو قال أردت الشتم لم يصدق قضاء ودين، خلاصة، ولو كان لها زوج طلقها قبل فقال أردت ذلك الطلاق صدق ديانة باتفاق الروايات، وقضاء في رواية أبي سليمان وهو حسن كما في الفتح وهو الصحيح كما في الخانية ولو لم يكن لها زوج لا يصدق، وكذا لو كان لها زوج قد مات. (فتاوى الشامي: ۳/۲۵۱، وكذا في الفتاوى الهندية: ۱/۲۵۵، وخلاصة الفتاوى: ۲/۸۰).

فتاوی محمودیہ میں ہے:
اگر پہلے شوہر سے طلاق مل چکی ہے اسی لیے اس شخص نے طلاقن کہا ہے تو شرعاً اس کا قول معتبر ہوگا ۔ (فتاوی محمودیہ: ۱۲/۳۷۰) ۔
خلاصہ یہ ہے کہ سب و شتم کی نیت سے کہا اور بیوی کو کوئی اعتراض نہیں ہے تو مفتی طلاق نہ ہونے کا فتویٰ دے سکتا ہے، کیوں کہ عرف میں یہ سب و شتم میں استعمال ہوتا ہے ۔
واللہ سبحانہ و تعالی اعلم