شارٹ سیل کا حکم:

شارٹ سیل در حقیقت بیع غیر مملوک کا نام ہے یعنی بائع ایسے شیئرز فروخت کرتا ہے جو ابھی اس کی ملکیت میں نہیں ہیں، لیکن اسے یہ توقع ہوتی ہے کہ سودا ہو جانے کے بعد میں یہ شیئرز خریدار کو دے دوں گا ۔
لہذا شارٹ سیل جائز نہیں ہے ۔
جامع ترمذی میں ہے:

حدثنا قتيبة ثنا هشيم عن أبي بشر عن يوسف بن مالك عن حكيم بن حزام رضي الله عنه قال: سألت رسول الله ﷺ فقلت: يأتيني الرجل فيسألني من البيع ما ليس عندي أبتاع له من السوق ثم أبيعه قال: لا تبع ما ليس عندك.
(ترمذی شریف: ۱/۲۳۳، باب ما جاء فی کراہیۃ بیع ما لیس عندہ) ۔
اس مسئلہ کی مختصر وضاحت شیئرز کی خرید و فروخت والے مسئلہ کے تحت گزر چکی ہے ۔
ہاں اگر صرف بیع کا وعدہ کر لیا جائے، حقیقۃً بیع نہ کی جائے، سامان یا شیئرز حاصل ہونے کے بعد بیع منعقد کی جائے تو یہ صورت جائز اور درست ہے ۔
واللہ سبحانہ و تعالی اعلم