ہر نئی طباعت پر عوض لینے کا حکم:

بصورتِ مسئولہ اگر مؤلف نے حق طباعت ہمیشہ کے لیے اس طابع کو دیا ہو تو یہ ڈھائی سو نسخے مسودہ کی قیمت بن گئے اور ہمیشہ کا حق طباعت طابع کو حاصل ہو گیا، اور اگر صرف ایک مرتبہ کے لیے کہا ہو تو یہ ڈھائی سو نسخے ایک مرتبہ حق طباعت کا عوض ہے، اور حق طباعت ان حقوق میں سے ہے جس کا عوض لیا جا سکتا ہے، اس کی تفصیل پیچھے گزر چکی ہے۔
اور اگر مؤلف نے ایک مرتبہ یا ہمیشہ کا ذکر نہیں کیا تو اس میں عرف کا اعتبار ہے اور میری معلومات کے مطابق اس صورت میں صرف ایک مرتبہ کا حق طباعت دیا جاتا ہے، اس لیے مؤلف کو دوبارہ کسی اور جگہ کتاب کی طباعت کا حق بھی ہوتا ہے اور اگر پرانے طابع کے ہاں سے دوبارہ چھپوا دے تو پھر نیا معاملہ کر کے اس سے دوبارہ معاملہ کے مطابق کتاب کے نسخے لے سکتا ہے۔
واللہ سبحانہ و تعالی اعلم