بلا تعینِ شرکاء تین گایوں کی قربانی کا حکم:

قربانی کرنے کی نیت کافی ہے ہر ایک کے لیے حصے متعین کرنا ضروری نہیں، بنا بریں بصورتِ مسئولہ تمام کی طرف سے قربانیاں ادا ہو گئیں، البتہ افضل اور بہتر یہ ہے آئندہ ہر بڑے جانور میں جو سات افراد شریک ہیں ان کی تعیین کر لی جائے ۔
ملاحظہ ہو امداد الاحکام میں ہے:
سوال: اگر چودہ آدمی دو گایوں میں شریک ہو کر قربانی کریں کہ ہر ایک کا حصہ کسی خاص گائے میں متعین نہ کیا جائے اور یہ نہ کہا جائے کہ یہ گائے سات شخصوں کی ہے اور دوسری گائے دوسرے سات شخصوں کی ہے بلکہ یوں کہا جائے کہ یہ دونوں گائیں مشترک طور پر چودہ شخصوں کی طرف سے ہیں تو اس طرح قربانی درست ہو گی یا نہیں؟
أمر حضرة الشيخ دام مجده وعلاه بتحقيقه.

الجواب: یہ صورت قیاساً تو جائز نہیں ہے، ہاں استحساناً جائز ہے ۔
ولو اشترك سبعة في سبع شياه لا يجزيهم قياساً لأن كل شاة بينهم على سبعة أسهم وفي الاستحسان يجزيهم وكذا اثنان في شاتين. (رد المحتار: ۵/۳۰۸). (
امداد الاحکام: ٤/
۲۷۳
) ۔
مزید دلائل اوپر والے مسئلہ کے تحت مذکور ہوئے ۔ ان کو بھی ملاحظہ کیا جا سکتا ہے ۔
واللہ سبحانہ و تعالی اعلم