حمل بالزنا کے اسقاط کا حکم:

فقہاء کے ہاں چار ماہ سے قبل حمل کا اسقاط مختلف فیہ ہے لیکن فقہ اکیڈمی کے اجلاس میں صحیح قول کے مطابق ناجائز کہا گیا ہے اور چار ماہ بعد تو بالاجماع حرام اور ناجائز ہے ۔ اس میں ولد الزنا اور غیر ولد الزنا کا فرق نہیں ہے ۔
ملاحظہ ہو شامی میں ہے:

وفي الذخيرة: لو أرادت إلقاء الماء بعد وصوله إلى الرحم قالوا: إن مضت مدة ينفخ فيه الروح لا يباح لها وقبله اختلف المشايخ فيه والنفخ مقدر بمائة وعشرين يوماً بالحديث. (فتاوى الشامي: ٦/۳۷٤، سعيد).

جدید فقہی مباحث میں ہے:
اگر حمل بالزنا بالرضا کے نتیجہ میں ہو (تو مطلقاً) یا (اور زنا بالجبر ہو) اس حمل پر ٤ ماہ گزر چکے ہوں تو ان حالتوں میں اسقاط کی اجازت نہیں ۔ (جدید فقہی مباحث: ۱/۳۷۳، ط: ادارۃ القرآن) ۔
واللہ سبحانہ و تعالی اعلم