سیٹ پر بیٹھ کر سونے سے نقضِ وضو کا حکم ـ:

اگر کوئی آدمی دیوار یا کسی دوسری چیز سے ٹیک لگا کر سو جائے تو دو صورتیں ہیں ۔
اگر اس کی سرین زمیں پر جمی ہوئی ہو تو اس میں احناف کے یہاں دو قول ہیں ۔
(۱) ایک قول یہ ہے کہ اس کا وضو ٹوٹ جائے گا، صاحبِ قدوری، صاحبِ ہدایہ اور امام طحاوی رحمہ اللہ نے اس قول کو اختیار کیا ہیں ۔
(۲) دوسرا قول یہ ہے کہ اس کا وضو نہیں ٹوٹے گا یہ ظاہر الروایہ ہے اور اکثر حضرات نے اس قو ل کو لیا ہے چنانچہ شامی، عالمگیری، البحر الرائق، بدائع الصنائع دیگر کتب میں اس قول کو اختیار کیا گیا ہے ۔
عالمگیری میں ہے:

ولو نام مستنداً إلى ما لو أزيل عنه لسقط إن كانت مقعدته زائلة عن الأرض نقض بالإجماع وإن كانت غير زائلة فالصحيح أنه لا ينقض هكذا في التبيين. (الفتاوى الهندية: ۱/۱۲).

نیز
شامي: ۱/۱٤۱، وبدائع الصنائع: ۱/۳۱، والبحر الرائق: ۱/۳۸
پر یہ مسئلہ بالتفصیل مذکور ہے ۔
خلاصہ یہ ہے کہ اگر سونے والے کی سرین سیٹ پر جمی ہوئی ہو تو ظاہر الروایہ کے مطابق اس کا وضو نہیں ٹوٹے گا یہ قول زیادہ صحیح ہے ۔ اور اگر سرین زمیں سے ہٹی ہوئی ہو تو وضو ٹوٹ جائے گا ۔