مبہم یا مجہول مال کی وصیت کا حکم:

بصورتِ مسئولہ مرحوم نے چونکہ مبہم اور مجہول مال کی وصیت کی ہے لہذا یہ وصیت ورثہ کی صواب دید پر موقوف ہو گی، ورثہ اپنی رضامندی سے جو دینا چاہیں دے سکتے ہیں۔
ملاحظہ ہو فتاوی عالمگیری میں ہے:

ومن أوصي لا خر بحظ من ماله أو بشيء من ماله أو بنصيب من ماله أو ببعض من ماله فالبيان إلى الموصي ما دام حياً وإذا مات فالبيان إلى الورثة، كذا في شرح الطحاوي. (الفتاوى الهندية: ٦/۹۸).

فتاوی سراجیہ میں ہے:

إذا أوصي بجزء من ماله فان الورثة يعطونه ما شاءوا. (الفتاوى السراجية، ص ۵۷۲).

فتاوی حقانیہ میں ہے:
شرعاً تو ایسی وصیت صحیح ہے البتہ ابہام کی وجہ سے وصیت کرنے والے کے انتقال کے بعد اس کا تعین ورثاء کی صواب دید پر موقوف ہے کہ وہ موصی لہ کو جتنا چاہیں دے سکتے ہیں، تاہم اگر وصیت کرنے والے نے اپنی زندگی میں ہی اس مال کو متعین کر دیا ہو تو بعد الموت وہی مال دینا پڑے گا بشرطیکہ وہ مال میت کے کل ترکہ کے ثلث سے زیادہ نہ ہو۔ (فتاوی حقانیہ:
٦
/
۵۰۷
)۔
واللہ سبحانہ و تعالی اعلم