نماز کے آخری وقت میں حیض شروع ہونے پر قضا کا حکم:

مذکورہ عورت پر پاک ہونے کے بعد نماز کی قضا واجب نہیں ہے، کیوں کہ قضا کے سلسلہ میں آخری وقت کا اعتبار ہوتا ہے، آخری وقت میں نماز کی اہل ہو تو قضا واجب ہے اور اگر آخری وقت میں نماز کی اہل نہ ہو یعنی حیض شروع ہو گیا تو قضا واجب نہیں ہو گی ۔ ملاحظہ ہو ملا علی قاری رحمه الله شرحِ نقایہ میں لکھتے ہیں:

ولا من حاضت، أي لا تقضي فرضاً من حاضت وكذا من نفست فيه، أي في آخر الوقت مع تمكنها من الأداء في أول الوقت بقدر ما يسع الفرض ولم تصل حتى طرأ الحيض لما قدمنا. (فتح باب العناية: ۱/۱۸٦).
وقال في مجمع الأنهر: ثم المعتبر آخر الوقت عندنا فإذا حاضت في آخر الوقت سقطت، وإن طهرت فيه وجبت. (مجمع الأنهر: ۱/۷۹، ط: لبنان).

مزید ملاحظہ ہو : (بدائع الصنائع: ۱/۹۵، سعید، و درر الحکام: ۱/۵٤، والمبسوط للإمام السرخسی رحمه الله: ۲/۲٤، کراچی) ۔
واللہ سبحانہ و تعالی اعلم