حادثات میں ریزہ جسم پر نماز جنازہ کا حکم:

حادثات میں میت کے جسم کا اکثر حصہ یا نصف حصہ سر کے ساتھ دستیاب ہوا ہو تو سب شہداء کو جمع کرے ان کی نیت سے نماز جنازہ پڑھنا درست ہے، تاکہ سب کو تسلی ہو جائے لیکن اگر ان شہداء میں سے کسی کے جسم کا اکثر حصہ صحیح سالم دستیاب نہیں ہوا تو نماز جنازہ ساقط ہو جائے گی، اگر کوئی پڑھے گا بھی تو یہ عرفی جنازہ ہو گا شرعی جنازہ نہیں ہو گا ۔ ملاحظہ ہو فتاوی ہندیہ میں ہے:

وإن وجد نصفه من غير الرأس أو وجد نصفه مشقوقاً طولاً فإنه لا يغسل ولا يصلى عليه ويلف في خرقة ويدفن فيها. (الفتاوى الهندية: ۱/۱۵۹).

در مختار میں علامہ حصکفی رحمه الله لکھتے ہیں:

وجد رأس آدمي، أو أحد شقيه لا يغسل ولا يصلى عليه بل يدفن إلا أن يوجد أكثر من نصفه ولو بلا رأس. (الدر المختار: ۲/۱۹۹، سعيد).
وينظر للمزيد: (
البحر الرائق: ۲/۳۰۵، ط: رشیدیہ، و الفتاوی التاتارخانیۃ: ۲/۱۷۸، و بدائع الصنائع: ۱/۳۰۲، سعید، و فتاوی محمودیہ: ۸/٦٦۵، جامعہ فاروقیہ، و کفایت المفتی: ۵/۳٦۹، و فتاوی حقانیہ: ۳/٤٤۰) ۔
واللہ سبحانہ و تعالی اعلم