سیل فون کی گھنٹی بجنے پر عملِ قلیل سے بند کرنے سے نماز کا حکم:

نماز کے دوران گھنٹی بجنے پر عملِ قلیل سے بند کرنا جائز ہے یعنی ایک ہاتھ جیب میں ڈال کر بند کر دے نماز فاسد نہیں ہو گی البتہ نماز مکروہ ہو گی ۔
مصلی کے لیے ضروری ہے کہ نماز شروع کرنے سے پہلے سائلنٹ (silent) پر کر دے یا بند کر دے، اور اس کی طرف خاص توجہ رکھے لیکن کسی وجہ سے بھول گیا اور نماز میں بجنے لگے تو فوراً عملِ قلیل سے بند کر دینا چاہیے کیوں کہ گھنٹی کا مسلسل بجنا دیگر مصلیوں کی سخت ناگواری کا سبب ہے اور خود اپنی نماز کے لیے بھی باعثِ خلل ہے ۔
حدیث شریف میں آتا ہے کہ نبی کریم ﷺ ایک مرتبہ نماز پڑھا رہے تھے کہ ایک بچہ کے رونے کی آواز آئی تو آپ ﷺ نے نماز مختصر فرما دی تاکہ بچہ کی ماں پریشان نہ ہو جائے معلوم ہوا کہ جس طرح بچہ روتا ہے اور چپ کرنا مشکل ہوتا ہے تو آپ ﷺ نے خیال فرمایا، اسی طرح سیل فون جب رونا شروع کرے تو اس کو بند کرنا بدرجۂ اولیٰ درست ہوگا کیونکہ سیل فون بھی بچہ کی طرح جلدی خاموش ہونے والا نہیں ہے اور اس میں مصلیوں کی تشویش کا سبب ہے ۔ ملاحظہ ہو بخاری شریف میں ہے:

عن أبي قتادة رضي الله عنه عن النبي ﷺ قال: إني لا قوم في الصلاة أريد أن أطول فيها فأسمع بكاء الصبي فأتجوز في صلاتي كراهة أن أشق على أمه. وفي رواية: قال أنس رضي الله عنه: فيخفف مخافة أن تفتن أمه. وفي رواية: قال: فأتجوز في صلاتي مما أعلم من شدة وجد أمه من بكائه. (صحيح البخاري: ۱/۹۸، باب أخف الصلاة عند بكاء الصبي)

ملاحظہ ہو امداد الفتاح میں ہے:

والثاني أن ما يقام باليدين عادة كثير

ويقام بيد واحدة قليل

وفي مكروهات الصلوة

ويكره العمل القليل. (إمداد الفتاح: ۳٥۹. ۳۸۳، بيروت)

فتاوی ہندیہ میں ہے:

العمل الكثير يفسد الصلاة والقليل لا، كذا في محيط السرخسي وكل ما يقام بيد واحد فهو يسير ما لم يتكرر كذا في فتاوى قاضيخان وأنه لو نظر إليه ناظر من بعيد إن كانت لا يشك أنه في غير الصلاة فهو كثير مفسد وإن شك فليس بمفسد وهذا هو الأصح كما في التبيين. وهو أحسن كذا في محيط السرخسي وهو اختيار العامة كذا في فتاوى قاضيخان والخلاصة وإن تقلد سيفاً أو نزعه لا تفسد صلاته. (الفتاوى الهندية: ۱/۱۰۱، الباب السابع فيما يفسد الصلاة وما يكره فيها)

ندائے شاہی میں ہے:
نماز میں موبائل بند کرنا: ضروری ہے کہ نماز شروع ہونے سے پہلے موبائل کی گھنٹی بند کر دی جائے اور اس کا خاص اہتمام رکھنے کی عادت ڈالی جائے لیکن اگر اتفاق سے گھنٹی بند کرنا بھول گیا اور دورانِ نماز گھنٹی بجنے لگی تو عملِ قلیل کے ذریعہ (ایک ہاتھ سے جیب میں رکھے) موبائل بند کر دینا چاہیے ۔ (ماہنامہ: ص
۱
٤ ندائے شاہی مراد آباد، دسمبر
۲۰۰
٦) ۔
واللہ سبحانہ و تعالی اعلم