نماز میں سجدہ کرنے کے بعد دو بارہ اُسی آیت کو پڑھنے سے سجدۂ تلاوت کا حکم:

صورتِ مسئولہ میں دوبارہ سجدہ کرنے کی ضرورت نہیں ہے پہلا کافی ہے ۔
ملاحظہ ہو فتاوی ہندیہ میں ہے:

ولو تلاها في ركعة فسجدها ثم أعادها في تلك الركعة لا تجب ثانياً كذا في محيط السرخسي، المصلي إذا قرأ آية السجدة في الأولي ثم أعادها في الركعة الثانية وسجد للأولى ليس عليه أن يسجدها وهو الأصح كذا في الخلاصة. (الفتاوى الهندية: ۱/۱۳٥، سجود التلاوة. وكذا في خلاصة الفتاوى: ۱/۱۸۷، مسائل السجدات، الرشيدية)

بہشتی زیور میں ہے:
اگر نماز میں سجدہ کی ایک ہی آیت کو کئی دفعہ پڑھے تب بھی ایک ہی سجدہ واجب ہے چاہے سب دفعہ پڑھ کے اخیر میں سجدہ کر ے یا ایک دفعہ پڑھ کے سجدہ کر لیا پھر اسی رکعت یا دوسری رکعت میں وہی آیت پڑھے ۔ (بہشتی زیور: ٤٤، دوسرا حصہ سجدۂ تلاوت کا بیان، دار الاشاعت) ۔
واللہ سبحانہ و تعالی اعلم