پینشن فنڈ پر زکوٰۃ کا حکم:

پینشن فنڈ حکومت کی طرف سے ہبہ ہے اور ہبہ میں قبضہ سے پہلے ملکیت نہیں آتی لہذا وصول ہونے کے بعد جب سال گزر جائے تب زکوٰۃ واجب ہو گی یا اگر اس کے پاس دوسری رقم موجود ہے تو پینشن کی رقم اس کے ساتھ ملا کر جب سال پورا ہوگا تو پینشن کی رقم کی زکوٰۃ بھی اس کے ساتھ ادا کی جائے ۔
کفایت المفتی میں ہے:
پینشن جو ملازم کو ملازمت سے سبکدوشی پر ملتی ہے جائز ہے، اس لئے کہ حکومت کی طرف سے ایک قسم کا عطیہ اور تعاون ہے ۔ (کفایت المفتی: ۸/۹۷، دار الاشاعت) ۔
پینشن فنڈ کا حکم بعینہٖ پراویڈنٹ فنڈ کی طرح ہے اور اس کے حوالہ جات ذکر کئے جا چکے ۔
واللہ سبحانہ و تعالی اعلم