زکوٰۃ کی رقم منی آرڈر کرنے سے ادائیگی کا حکم:

صورتِ مسئولہ میں فقیر کے پاس زکوٰۃ کی رقم منی آرڈر کرنے سے زکوٰۃ ادا ہو جاتی ہے، یعنی ڈاک کے حوالہ کرنے سے زکوٰۃ ادا ہو جاتی ہے، اگر چہ درمیان میں ضائع ہو جائے دوبارہ ادا کرنا لازم ادا کرنا لازم و ضروری نہیں ہے ۔
ملاحظہ ہو فتاوی رحیمیہ میں ہے:
زکوٰۃ کی رقم بذریعہ منی آرڈر اور ڈرافٹ بھیجی جا سکتی ہے، کیوں کہ مجبوری ہے ۔ (فتاوی رحیمیہ: ۵/۱٦٤) ۔
امداد الفتاوی میں ہے:

في الدر المختار مسائل متفرقة من كتاب الهبة: تمليك الدين ممن ليس عليه الدين باطل إلا في ثلاث: حوالة أو وصية وإذا سلطه أي سلط المملك غير المديون على قبضه أي الدين فيصح حينئذٍ ومنه ما لو وهبت من ابنها ما على أبيه فالمعتمد الصحة للتسليط.
اس جزئیہ
"ومنه ما لو وهبت

"
سے معلوم ہوا کہ صورتِ تسلیط میں بالفعل تملیک ہوتی ہے، ورنہ صحت کو تسلیط سے معلل نہ کیا جاتا کیوں کہ قبض حسی کے وقت تو صحت ہبہ میں کوئی تردد ہی نہیں پھر اس میں ترجیح صحت کے کوئی معنی نہیں، اس سے ثابت ہوا کہ خود تسلیط تملیک ہے، گو قبل القبض اس تسلیط سے عزل جائز ہو لعدم تمام العقد پس جب تسلیط تملیک ہے، اور تملیک کے وقت نیت اداء زکوٰۃ کافی ہے، اور منی آرڈر بھیجنے میں یقیناً تسلیط ہے، لہذا روانگی منی آرڈر کے وقت نیت کافی ہے ۔ (امداد الفتاوی: ۲/۲۵، ادائے زکوٰۃ بذریعہ منی آرڈر) ۔
ایضاح المسائل میں ہے:
اگر زکوٰۃ کی رقم فقیر کے پاس منی آرڈر کر دی جائے تو زکوٰۃ کی نیت سے ڈاک کے حوالہ کر دینے سے زکوٰۃ ادا ہو جاتی ہے، لہذا اگر اس کے بعد درمیان میں ضائع ہو جائے تو دوبارہ زکوٰۃ لازم نہ ہو گی ۔ (ایضاح المسائل: ۱۲۱) ۔
واللہ سبحانہ و تعالی اعلم