بنامِ قرض زکوٰۃ دی اب فقیر قرض واپس کرتا ہے تو اس رقم کا حکم:

جو مال واجب التصدق ہو معطی کے لئے اس کا لینا جائز نہیں ہے پس اگر فقیر واپس کرنے پر اصرار کر رہا ہے تو اس کو لے کر کسی اور کو دینا ہے لیکن خود اس رقم کو استعمال نہیں کر سکتا، بہر صورت زکوٰۃ ادا ہو چکی ۔
فتاوی ہندیہ میں ہے:

ومن أعطي مسكيناً درهماً وسماها هبة أو قرضاً ونوي الزكاة فإنها تجزئه في الأصح. (الفتاوى الهندية: ۱/۱۷۱).

رد المحتار میں ہے:

إنه لا اعتبار للتسمية فلو سماها هبة أو قرضاً تجزئه في الأصح. (رد المحتار: ۲/۲٦۸، سعيد).

فتاوی ہندیہ میں ہے:

فهي تمليك المال من فقير مسلم غير هاشمي ولا مولاه بشرط قطع المنفعة عن المملك من كل وجه لله تعالى، هذا في الشرع كذا في التبيين. (الفتاوى الهندية: ۱/۱۷۰).

امداد الاحکام میں ہے:
اگر زید نے عمرو سے اس کے سوالِ قرض کے بعد یہ نہیں کہا کہ یہ روپیہ قرض نہیں بلکہ ہبہ ہے تو زکوٰۃ بوجہ نیتِ زکوٰۃ کے اس صورت میں بھی ادا ہو گی لیکن اس رقم کو عمرو سے واپس لینا جائز نہیں کیوں کہ اس صورت میں یہ بالکل عود فی الصدقہ ہے ۔ اگر زید نے اس رقم کو واپس لے لیا تو لازم ہے کہ اس کو پھر کسی حیلہ سے عمرو ہی کو واپس کر دے ورنہ اداء زکوۃ میں شبہ رہے گا،
قال في الشامية تحت قول الدرر: وشرط صحة أدائها نية مقارنة له أي للأداء ما نصه أشار إلى أنه لا اعتبار لتسمية فلو سمّاها هبة أو قرضاً تجزيه على الأصح. شامي: ۲/۲٦۸. (إمداد الأحكام: ۲/۱۰، وفتاوى رحيميه: ۳/۱۱۲، وأحسن الفتاوى: ٤/۲٦۳).

واللہ سبحانہ و تعالی اعلم