ثبوتِ ہلال میں مختلف جماعتیں بن جانے پر عید کا حکم:

پہلی جماعت کی عید شرعی، عرفی، اور حسابی سب اعتبار سے غلط ہوئی ۔
دوسری جماعت نے چاند نہیں دیکھا نہ اپنے شہر میں اور نہ یورپ میں پس اگر ان کو ایشیا یا قریبی شہروں سے چاند کی صحیح خبر پہنچی اور عید منائی تو صحیح ہے ورنہ رؤیت کی خبر صحیح کے بغیر برطانیہ کی اقتداء کی تو عید صحیح نہیں ہوئی ۔
تیسری جماعت کی عید بھی صحیح ہے، اس وجہ سے کہ صحیح خبر ان کو نہیں پہنچی یا پہنچی تو انھوں نے اعتماد نہیں کیا صحیح طریقہ پر نہ پہنچنے کی وجہ سے یا انھوں نے بلادِ بعیدہ کی گواہی قبول نہیں کی، یا کسی اور وجہ سے قبول نہیں کی بہر حال ان کا عمل صحیح ہے ۔
ملاحظہ حدیث شریف میں ہے:

وقال رسول الله ﷺ: "صوموا لرؤيته وأفطروا لرؤيته، فإن غم عليكم فعدوا ثلاثين ثم أفطروا". (رواه الترمذي: ۱/۱٤۷، باب ما جاء لا تتقدموا الشهر بصوم).

الفقہ الحنفی و ادلتہ میں ہے:

إذا كان بين القطرين قريب بحيث تتحد المطالع فلا يعتبر، وإن كانت بعيدة بحيث تختلف المطالع فيعتبر فلو صام أهل قطر ثلاثين يوماً برؤية، وأهل قطر آخر تسعة وعشرين يوماً برؤية، فعليهم قضاء يوم إن كان بين القطرين قرب بحيث تتحد المطالع، وإن كانت بعيدة بحيث تختلف، لا يلزم أحد القطرين حكم الآخر، فالقرب مثل سورية، والعراق، والبعد مثل الكويت والمغرب، وجاء عن ابن عباس وعائشة رضي الله عنه ما صوم كل جماعة يوم يصومون، وفطرهم يوم يفطرون. (الفقه الحنفي وأدلته: ۱/۳۸۹، قبول خبر الواحد في روية هلال رمضان، دمشق).

مزید دلائل مسئلہ "اختلافِ مطالع کا حکم" کے تحت ملاحظہ فرمائیں ۔
واللہ سبحانہ و تعالی اعلم