سالی سے زنا کرنے پر حرمتِ مصاہرت کا حکم:

صورتِ مسئولہ میں چھوٹی بہن کے شوہر کا بڑی بہن کے ساتھ ملوث ہونا اور زنا کاری کرنا ناجائز بلکہ حرام ہے، اس فعل بد سے توبہ کرنا لازم ہے، اور بڑی بہن سے خلط و اختلاط رکھنا ہی نہیں چاہیے، اور اس سے دور رہنا ضروری ہے، تاہم شرعاً دونوں بہنوں کے نکاح پر کوئی اثر مرتب نہیں ہوا، اور ہر ایک بہن اپنے شوہر کے نکاح میں بدستور رہے گی ۔
ملاحظہ ہو در مختار میں ہے:

وفي الخلاصة: وطئ أخت امرأته لا تحرم عليه امرأته. وفي الشامي: هذا محترز التقييد بالأصول والفروع وقوله: لا تحرم أي لا تثبت حرمة المصاهرة، فالمعني: لا تحرم حرمة مؤبدة. (الدر المختار مع الشامي: ۳/۳٤، فصل في المحرمات، سعيد).

البحر الرائق میں ہے:

أراد بحرمة المصاهرة الحرمات الأربع حرمة المرأة على أصول الزاني وفروعه نسباً ورضاعاً وحرمة أصولها وفروعها على الزاني نسباً ورضاعاً كما في الوطئ الحلال ويحل لا صول الزاني وفروعه أصول المزني بها وفروعها. (البحر الرائق: ۳/۱۰۱، فصل في المحرمات، كوئته).

فتاوی دار العلوم دیوبند میں ہے:
سالی سے زنا کرنے میں زوجہ اس کی اس پر حرام نہیں ہوئی، کیوں کہ کوئی وجہ حرمت کی اس میں پائی نہیں گئی ۔ (فتاوی دار العلوم: ۷/٦٤٤، ۳۲۸، مدلل و مکمل ۔ و کذا فی فتاوی محمودیہ: ۱۱/٤۰۹، مبوب و مرتب) ۔
واللہ سبحانہ و تعالی اعلم