حرام کاروبار والے غیر مسلم کے ساتھ معاملات کا حکم:

ایک آدمی ایک غیر مسلم (ہندو، یا عیسائی) کے ساتھ معاملات لین دین کرتا ہے یا اس کا ہدیہ قبول کرتا ہے یا اس کے ہاں کبھی کبھی کوئی دعوت کھاتا ہے اور وہ غیر مسلم ایسا کام کرتا ہے جو مسلمانوں کے لیے شرعاً جائز نہیں، مثلاً:
(۱) بیع فاسد کا مرتکب ہے باہر سے اشیاء کو خریدتا ہے اور قبضہ سے پہلے فروخت کرتا ہے ۔
(۲) شراب فروخت کرتا ہے اور اس کی غالب کمائی یہی ہے ۔
(۳) جاندار کی تصویر والے کپڑے فروخت کرتا ہے اور یہی کمائی ہے ۔
(٤) حلاق ہے اور لوگوں کے غیر شرعی بال بناتا ہے اور ڈاڑھیاں مونڈتا ہے ۔
(۵) سٹا یا قمار "جوئے" میں مبتلا ہے ۔
(٦) گانے بجانے کے آلات اور کیسٹیں فروخت کرتا ہے وغیرہ، تو اگر کوئی مسلمان اس غیر مسلم کے ہاتھ کوئی چیز فروخت کرے اور قیمت لے یا ہدیہ وغیرہ لے تو یہ جائز ہے یا نہیں؟ غیر مسلم ممالک میں اکثر ایسے واقعات پیش آتے ہیں ۔ بینوا توجروا ۔