بیعت طریقت کی حقیقت، کیا پیری مریدی جوگیانہ طریقہ ہے؟

ان صاحب سے یہ عرض کریں کہ وہ سورۃ الفتح پڑھیں اس میں ارشاد ہے ۔

﴿إن الذين يبايعونك إنما يبايعون الله﴾
الآیۃ پھر چند آیات کے بعد یعنی تیسرے رکوع کے شروع میں ہے
﴿لقد رضي الله عن المؤمنين اذ يبايعونك تحت الشجرة﴾
الآیۃ یہاں مؤمنین بلکہ اعلی درجہ کے صحابہ رضی اللہ تعالی عنہم سے بیعت لی گئی جن میں وہ حضرات بھی ہیں جو مکہ مکرمہ میں ایمان لا چ کے تھے اور دین اسلام کی خاطر بڑی تکلیفیں برداشت کر چ کے تھے اور ان کا شمار مہاجرین اولین میں ہے ۔ اور غزوات میں حضرت رسول مقبول ﷺ کے ساتھ برابر شریک رہتے تھے یہ بیعت اسلام قبول کرنے کے لیے نہیں تھی اسلام تو ان کو بہت پہلے سے حاصل تھا جو کہ بہت قوی تھا ۔
اور سورۂ ممتحنہ پڑھیں جس میں ارشاد ہے:

﴿يا أيها النبي إذا جاء ك المؤمنات يبايعنك على إن لا يشركن بالله شيئاً ولا يسرقن ولا يزنين ولا يقتلن أولادهن ولا يأتين ببهتان يفترينه بين أيهديهن وأرجلهن ولا يعصينك في معروف فبايعهن﴾. (الآية: ۱۲).

اس آیتِ شریفہ میں اللہ تعالی نے چھ چیزوں پر بیعت لینے کا حکم فرمایا ہے اور سب سلبی ہیں اگر غور کریں تو سمجھ میں آئے گا کہ چھٹی چیز تمام ایجابات کو حاوی ہے یعنی حضور ﷺ کی کسی معروف میں نا فرمانی نہ کریں جس کا مطلب یہ ہے کہ ہر فرمان میں اطاعت کریں یہ صورۃً تو سلب ہے اور حقیقتاً سب سے بڑا ایجاب ہے اس کے علاوہ بعض صحابہ سے بھی اور بھی کسی خاص چیز پر بیعت لینا ثابت ہے ۔ بزرگانِ دین جو بیعت لیتے ہیں وہ جوگیوں اور بدھ مذہب والوں کی پیروی نہیں کرتے بلکہ حضرت رسول اکرم ﷺ کی پیروی کرتے ہیں کہ چند کبائر سے صراحتاً توبہ کراتے ہیں اور ہر نا فرمانی سے روک کر طاعت رسول اللہ ﷺ پر آمادہ کرتے ہیں جیسا کہ حدیث شریف میں صاف صاف موجود ہے:

. رضي الله عنه. ﷺ. متفق عليه مشكاة المصابيح ۱۳، كتاب الإيمان)

مشائخ تصوف چشتی، قادری، نقشبندی، سہروردی سب کے یہاں بیعت کا طریقہ یہی ہے اور بہت بڑی مخلوق کو اس کے ذریعہ تزکیۂ باطن ہو کر نسبت سلسلہ حاصل ہوتی ہے اخلاقِ رذیلہ دور ہو کر اخلاقِ فاضلہ نصیب ہوتے ہیں ۔ (
والله الموفق لما يحب ويرضى) والله أعلم
(از حضرت مفتی محمود حسن گنگوہی نور اللہ مرقدہ) ۔