انشورنس کمپنی کا ایجنٹ بننے کا حکم:

آج کل انشورنس کی اکثر کمپنیوں کے کاروبار سود اور قمار پر مشتمل ہیں، لہذا سودی کمپنی کی ایجنسی جائز نہیں ہے اور سودی کمپنی کی طرف سے ملنے والا کمیشن بھی ناجائز ہے اس سے بچنا چاہیے، ہاں جو کمپنیاں اکثر حلال کاروبار کرتی ہیں ان میں حصہ لینے کی گنجائش ہے ۔
ملاحظہ ہو قرآن کریم میں ہے:

﴿أحل الله البيع وحرم الربا﴾ (سورة البقرة).
وقال تعالى: ﴿يا أيها الذين آمنوا اتقوا الله وذروا ما بقي من الربا إن كنتم مؤمنين﴾ (سورة البقرة:).
وقال تعالى: ﴿ولا تعاونوا على الإثم والعدوان﴾ (سورة المائدة: ۲).
وعن جابر رضي الله عنه قال: لعن رسول الله ﷺ آكل الربا وموكله وكاتبه وشاهده وقال هم سواء. (رواه مسلم: ۲/۲۷، باب الربا).

جدید فقہی مسائل میں ہے:
انشورنس اصل میں سود اور جوئے سے خالی نہیں اس لیے مسلمان کے لیے انشورنس کمپنی کی ایجنسی لینا اور اس کو ذریعہ معاش بنانا جائز نہیں ۔ (جدید فقہی مسائل: ۱/٤۳۸، و آپ کے مسائل اور ان کا حل: ٦/۲۵۸) ۔
واللہ سبحانہ و تعالی اعلم