دسترخوان پر چلنے کا حکم:

کتبِ فقہ میں صریح جزئیہ دستیاب نہیں ہوا البتہ بعض احادیث سے پتا چلتا ہے کہ مکروہِ تنزیہی ہے کیوں کہ حدیث میں آتا ہے کہ لقمہ گر جائے تو دسترخوان سے اٹھا کر کھا لے اور چلنے سے دسترخوان خراب ہو گا اور لقمہ کھایا نہیں جائے گا، اور بعض احادیث سے خلافِ ادب معلوم ہوتا ہے کہ حدیث میں آتا ہے کہ برکت وسط طعام میں نازل ہوتی ہے اور مقامِ نزولِ برکت پر چلنا بے ادبی ہے۔
ملاحظہ ہو حدیث میں ہے:

عن جابر رضي الله عنه قال: قال رسول الله ﷺ: إذا وقعت لقمة أحدكم فليأخذها فليمط ما كان بها من أذى وليأكلها ولا يدعها للشيطان

الخ. (رواه مسلم، رقم: ۲۰۳۳).

دوسری حدیث ملاحظہ ہو:

عن ابن عباس رضي الله عنه أن النبي ﷺ قال: "البركة تنزل وسط الطعام فكلوا من حافتيه ولا تأكلوا من وسطه. رواه الترمذي وقال: هذا حديث حسن صحيح. (رقم: ۱۸۰۵).

واللہ سبحانہ و تعالی اعلم