انسان کا پیشاب بطورِ دوا پینے کا حکم:

(۱) پیشاب نجس العین ہے عام حالات میں اس کو پینا اور اس کو استعمال کرنا کسی طرح جائز اور درست نہیں ہے ۔
(۲) ضرورتِ شدیدہ کے وقت بھی جب ماکول اللحم جانور کے پیشاب سے ضرورت پوری ہوتی ہو تو انسان کے پیشاب کا استعمال جائز نہیں ۔
باقی سائنس دانوں کا یہ کہنا کہ پیشاب ہر حالت میں مفید ہے یہ غلط بات ہے بعض ڈاکٹر تو مشت زنی اور لواطت کو بھی ٹھیک کہتے ہیں تو کیا ان کی بات کو تسلیم کیا جائے گا؟ ہرگز نہیں ۔
(۳) پیشاب کو خون کی طرح منتقل کرنا جائز نہیں ہے ۔
(٤) پیشاب کو محفوظ کرنا بلا ضرورت ہے اس کی اجازت نہیں ہے ۔
(۵) عند الضرورۃ ماکول اللحم جانور کے پیشاب سے کام چلایا جائے ۔
ملاحظہ ہو فتاوی شامی میں ہے:

قال في النهاية وفي التهذيب يجوز للعليل شرب البول والدم والميتة للتداوي إذا أخبره طبيب مسلم أن فيه شفائه ولم يجده من المباح ما يقوم مقامه وإن قال الطبيب يتعجل شفاؤك به فيه وجهان

وما قيل: إن الاستشفاء بالحرام حرام غير مجري على إطلاقه وأن الاستشفاء بالحرام إنما لا يجوز إذا لم يعلم أن فيه شفاء أما إذا علم وليس له دواء غيره يجوز. (فتاوى الشامي: ۵/۲۲۸، سعيد).

واللہ سبحانہ و تعالی اعلم