مسجد میں داخل ہونے کے لیے وضو کا حکم:

مسجد میں داخل ہونے کے لیے با وضو ہونا نہ فرض ہے نہ واجب بلکہ مستحب ہے، ہاں اگر کوئی مسلمان جنابت کی حالت میں ہو تو اس کے لیے غسل کرنا واجب ہے بلا غسل مسجد میں داخل ہونا ممنوع اور ناجائز ہے ۔ ملاحظہ ہو فتاوی شامی میں ہے:

دخول المسجد للمحدث فإنه يحل بدون الطهارة من الحدث الأصغر. (فتاوى الشامي: ۱/۲٤۳، سعيد).

بدائع الصنائع میں مرقوم ہے:
ولا يباح للجنب دخول المسجد. (بدائع الصنائع: ۱/۳۸، سعيد). (وكذا في النتف في الفتاوى، ص ۳۱، ط: بيروت).

قاموس الفقہ میں ہے: جن صورتوں میں وضو کرنا مستحب ہے ۔ مسجد میں داخل ہونے کی غرض سے ۔ (قاموس الفقہ: ۵/۲۸۷، ط: زمزم) ۔
واللہ سبحانہ و تعالی اعلم