ورزش کی نیت سے نماز پڑھنے کا حکم:

نماز ایک عظیم ترین عبادت ہے اور تمام عبادات میں افضل ہے، اس کا مقصد اللہ تعالی کی رضا اور خوشنودی ہے، اسی مقصد اور نیت سے پڑھنی چاہیے، اور ورزش نماز کے علاوہ کر لینی چاہیے، اگر چہ سورۂ فاتحہ کے ساتھ چھوٹی سورت یا تین چھوٹی آیات سے بھی نماز ہو جاتی ہے لیکن نماز میں ورزش کی نیت کرنے سے اجتناب کرنا چاہیے ۔ ملاحظہ ہو در مختار میں نماز کے واجبات کے تحت مذکور ہے:

وضم أقصر سورة كالكوثر، أو ما قام مقامها وهو ثلاثة آيات قصار نحو: ثم نظر، ثم عبس وبسر، ثم أدبر واستكبر، وكذا لو كانت الآية أو الآيتان تعدل ثلاثاً قصاراً ذكره الحلبي. (الدر المختار: ۱/٤۵۸، سعيد).

فتاوی ہندیہ میں مرقوم ہے:

وتجب قراءة الفاتحة وضم السورة أو ما يقوم مقامها من ثلاث آيات قصار أو آية طويلة في الأوليين بعد الفاتحة كذا في النهر الفائق وفي جميع ركعات النفل والوتر، هكذا في البحر الرائق. (الفتاوى الهندية: ۱/۷۱).

عمدۃ الفقہ میں مرقوم ہے:
نماز کے کچھ واجبات ہیں کہ جن کے ترک سے نماز فاسد نہیں ہوتی لیکن اس کا لوٹانا واجب ہوتا ہے جب کہ واجب کو دانستہ ترک کیا ہو یا سہواً ترک ہو گیا ہو اور سجدۂ سہو نہ کیا ہو

(
۵) فرض نمازوں کی پہلی دو رکعتوں میں اور واجب (وتر) و سنت و نفل کی تمام رکعتوں میں سورۂ فاتحہ کے بعد کوئی بہت چھوٹی سورت مثل سورۂ کوثر یا اس کے قائم مقام تین چھوٹی آیتیں یا ایک بڑی آیت یا دو آیتیں پڑھنا جو چھوٹی تین آیتوں کے برابر ہوں ۔ (عمدۃ الفقہ: ۲/۹۸، زوار اکیڈمی) ۔ (و كذا فی کتاب المسائل: ۱/۳۱۳) ۔
واللہ سبحانہ و تعالی اعلم