چھوٹی بچی کو مرد کے غسل دینے کا حکم:

چھوٹی بچی کو مرد کا غسل دینا جائز اور درست ہے ۔ ملاحظہ ہو البحر الرائق میں مرقوم ہے:

والصبي الذي لا يشتهى والصبية كذلك غسلهما الرجال والنساء. (البحر الرائق: ۲/۱۸۸، دار المعرفة بيروت).

فتاوی ہندیہ میں مرقوم ہے:

فإن كانت الميت صغيراً لا يشتهى جاز أن يغسله النساء وكذا إذا كانت صغيرة لا تشتهى جاز للرجل غسلها. (الفتاوى الهندية: ۱/۱٦۰).

عمدۃ الفقہ میں مرقوم ہے: اگر لڑکا ایسا چھوٹا ہو کہ اس کو خواہش نہ ہوتی ہو تو جائز ہے کہ اس کو عورتیں نہلائیں اور اسی طرح اگر لڑکی چھوٹی ہو جو ابھی حدِ شہوت کو نہ پہنچی ہو تو جائز ہے کہ مرد اس کو نہلائیں، جو لڑکا یا لڑکی حدِ شہوت کو پہنچ گئے وہ بالغ کے حکم میں ہیں پس ایسے لڑکے کو اجنبی عورت نہیں نہلا سکتی اور ایسی لڑکی کو مرد نہیں نہلا سکتا ۔ (عمدۃ الفقہ: ۲/۵۰۱) ۔
واللہ سبحانہ و تعالی اعلم