مالدار شخص کی چھوٹی بچی کو زکوٰۃ دینے کا حکم:

صورتِ مسئولہ میں مالدار صاحبِ نصاب شخص کی بچی کو زکوٰۃ کی رقم دینا درست نہیں ہے، البتہ اس کی والدہ کو دے دیا جائے غالباً والدہ صاحبِ نصاب نہیں ہو گی، اور اگر اس کی ملکیت میں کچھ زیورات ہوں تو شوہر کو ہبہ کر دے اور زکوٰۃ لے کر اپنی بچی پر خرچ کر لے، یا اس کے پاس موجود رقم کو بچی پر خرچ کر کے پھر زکوٰۃ لے ۔
ملاحظہ ہو بدائع الصنائع میں ہے:

وأما ولد الغني فإن كان صغيراً لم يجز الدفع إليه وإن كان فقيراً لا مال له، لأن الولد الصغير يعد غنياً بغني أبيه وإن كان كبيراً فقيراً يجوز، لأنه لا يعد غنياً بمال أبيه فكان كالأجنبي ولو دفع إلى امرأة فقيرة وزوجها غني جاز
۔
(بدائع الصنائع: ۲/٤۷، سعيد
۔
وكذا في الفتاوى الهندية: ۱/۱۸۹، المصارف)
۔
فتاوی دار العلوم میں ہے:
غنی کی محتاج اولاد صغار کو زکوٰۃ وغیرہ صدقاتِ واجبہ دینا درست نہیں ہے اس سے زکوٰۃ ادا نہ ہو گی ۔ (فتاوی دار العلوم: ۶/۲۱۲، مصارفِ زکوٰۃ، مدلل و مکمل) ۔