" میں تم سے محبت کرتا ہوں" اِن الفاظ سے ثبوتِ رجعت کا حکم:

رجعت کا ثبوت جس طرح الفاظِ صریحہ سے ہوتا ہے اسی طرح الفاظِ کنایہ سے نیت کے ساتھ ہوتا ہے، چنانچہ صورتِ مسئولہ میں، میں تم سے محبت کرتا ہوں، یہ کنایہ کے الفاظ ہیں، اگر شوہر نے مذکورہ الفاظ کہتے وقت رجعت کی نیت کی تھی تو رجعت ثابت ہو گئی، اب دوبارہ نکاح کی ضرورت نہیں ۔
ملاحظہ ہو فتح القدیر میں ہے:

ألفاظ الرجعة صريح وكناية: فالصريح راجعتك في حال خطابها وراجعت امرأتي في حال غيبتها وحضورها أيضاً

والكنايات: أنت عندي كما كنت وأنت امرأتي فلا يصير مراجعاً إلا بالنية. (فتح القدير: ٤/۱۵۹، دار الفكر). (وكذا في فتاوى الشامي: ۳/۳۹۸، سعيد، وفتاوى الهندية: ۱/٤٦۸، وكتاب الفقه على المذاهب الأربعة: ٤/۳۳۰).

قاموس الفقہ میں مذکور ہے:
رجعت ایسے الفاظ سے بھی ہو سکتی ہے جو صراحۃً رجعت کے مفہوم کو بتلاتے ہوں اور ایسے الفاظ سے بھی جن میں کسی قدر ابہام ہو اور ان میں رجعت کے سوا دوسرے معنی کی بھی گنجائش ہو فقہ کی اصطلاح میں ایسے الفاظ کنایہ کہلاتے ہیں، جیسے تو میرے نزدیک ویسے ہی ہے جیسے پہلے تھی، ایسے الفاظ سے نیت کی ضرورت ہو گی، اگر رجعت کی نیت کی تو رجعت ہو گی ورنہ نہیں ۔ (قاموس الفقہ: ۳/٤۷۳، ط: زمزم) ۔
(و کذا فی فتاوی محمودیہ: ۱۳/۳٦٤، جامعہ فاروقیہ) ۔
واللہ سبحانہ و تعالی اعلم