نشہ آور پاؤڈر (Beer powder) کی تجارت کا حکم:

بصورتِ مسئولہ چونکہ اِس پاؤڈر کا غالب استعمال شراب میں ہوتا ہے اس وجہ سے اس کی تجارت سے بالکل بچنا چاہیے، ہاں اشربہ اربعہ محرمہ (انگور کی کچی شراب، انگور کی پختہ شراب، کھجور کی شراب اور زبیب کی شراب) کی تجارت حرام ہے باقی منشیات کی تجارت حرام نہیں بلکہ مکروہ تحریمی اور ناجائز ہے ۔
ملاحظہ ہو فتاوی شامی میں مرقوم ہے:

قال في الدر المختار: وصح بيع غير الخمر ومفاده صحة بيع الحشيشة والأفيون. قوله وصح بيع غير الخمر أي عنده خلافاً لهما في البيع والضمان لكن الفتوى على قوله في البيع وعلى قولهما في الضمان إن قصد المتلف الحسبة وذلك يعرف بالقرائن وإلا فعلي قوله كما في التتارخانية وغيرها، ثم إن البيع وإن صح لكنه يكره كما في الغاية. (فتاوى الشامي: ٦/٤۵٤، سعيد).
وفيه أيضاً: وجاز بيع عصير

ممن يعلم أنه يتخذه خمراً لأن المعصية لا تقوم بعينه بل بعد تغيره وقيل: يكره لا عانته على المعصية. (فتاوى الشامي: ٦/۳۹۱، سعيد).
(وكذا في البحر الرائق: ۸/۲۳۰، دار المعرفة، وتبيين الحقائق: ٦/۲۸، ط: إمداديه).

اسلام اور جدید معاشی مسائل میں مذکور ہے:
بیع کے بارے میں یہ اصول ہے کہ جس شیٔ کا کوئی جائز استعمال ہو اس کی بیع جائز ہے چاہے وہ چیز عام طور سے ناجائز کام میں استعمال ہوتی ہو، یعنی اب یہ مشتری کا کام ہے کہ اس کو جائز مقصد کے لیے استعمال کرے (اسلام اور جدید معاشی مسائل: ٤/۱۷) ۔
فتاوی محمودیہ میں مذکور ہے: گانجہ، بھنگ، افیون کی تجارت مکروہ تحریمی ہے، لیکن اگر کسی نے کر لیا تو صحیح ہو جائے گی ۔ (فتاوی محمودیہ: ۱٦/۱۲۱، جامعہ فاروقیہ) ۔
واللہ سبحانہ و تعالی اعلم