رینڈ کے ساتھ سونا ملا کر وجوبِ زکوۃ کا حکم:

صورتِ مسئولہ میں سونے کی قیمت رینڈ کے ساتھ ملانے سے نصاب پورا ہو جاتا ہے تو زکوٰۃ واجب ہو گی اور اگر نصاب پورا نہیں ہوتا تو زکوٰۃ واجب نہیں ۔
ملاحظہ ہو فتاوی ہندیہ میں ہے:

وتضم قيمة العروض إلى الثمانين والذهب إلى الفضة قيمة كذا في الكنز حتى لو ملك مائة درهم وخمسة دنانير قيمتها مائة درهم تجب الزكاة عنده

يجب أن يكون التقويم بما هو أنفع للفقراء قدراً ورواجاً. (الفتاوى الهندية: ۱/۱۷۹، في زكاة الذهب والفضة).

فتاوی رحیمیہ میں ہے:
نقد پانچ روپے زائد از ضرورت اور تین تولہ سونا ہو تو زکوٰۃ اس لئے فرض ہو جاتی ہے کہ نقد رقم چاندی، سونے کے حکم میں ہے اور تین تولہ سونا اور نقد پانچ روپے مل کر ساڑھے باون تولہ چاندی کی قیمت کے برابر ہو جاتے ہیں اس لئے زکوٰۃ واجب ہو جائے گی ۔ (فتاوی رحیمیہ: ۵/۱٦٦، کتاب الزکوٰۃ) ۔
نوٹ: یہ مسئلہ اس وقت ہے جب کہ چاندی کو معیارِ نصاب بنایا جائے، لیکن اگر سونا معیارِ نصاب ہو تو پھر زکوٰۃ واجب نہیں، جس کی تفصیل عنقریب آپ ملاحظہ فرمائیں گے ۔
واللہ سبحانہ و تعالی اعلم