مالکانِ زکوٰۃ کی تصریح کے خلاف زکوٰۃ کی رقم خرچ کرنے کا حکم:

صورتِ مسئولہ میں زکوٰۃ کی رقم دوسری جگہ خرچ کرنا جائز نہیں ہے مالکان کی اجازت ضروری ہے، ہاں اگر مختلف لوگوں کی زکوٰۃ کی رقم ہے اور سب کو اطلاع دینا مشکل ہو اور متعین کردہ مصرف میں خرچ کرنا بھی ممکن نہ ہو تو پھر دوسری جگہ مصرفِ زکوٰۃ میں خرچ کرنا جائز ہوگا ۔
ملاحظہ ہو الفقہ الحنفی و ادلتہ میں ہے:

أما إذا عين الغني الفقير للوكيل لم يجز له أن يدفع الزكاة إلى غيره. (الفقه الحنفي وأدلته: ۱/۳٤۰، بيروت).

شامی میں ہے:

وهنا الوكيل إنما يستفيد التصرف من المؤكل وقد أمره بالدفع إلى فلان فلا يملك الدفع إلى غيره. (شامي: ۲/۲٦۹، سعيد).

فتاوی محمودیہ میں ہے:
وکیل امین ہوتا ہے، ہدایتِ مؤکل کے خلاف تصرف کرنے کا اس کو حق نہیں ۔ (فتاوی محمودیہ: ۹/٤۹۵، مبوب و مرتب) ۔
واللہ سبحانہ و تعالی اعلم