طلاق نامہ بھیجنے کے بعد تصدیق کے لیے دوسرا خط بھیجنے کا حکم:

بصورتِ مسئولہ اگر شوہر نے دوسرے خط میں پہلے خط کی تصدیق کی نیت کی تھی نئی طلاق مقصود نہیں تھی تو اس کی زوجہ پر صرف ایک طلاق واقع ہو گئی ۔
اور اگر دوسرا خط دوسری طلاق کے ارادہ سے لکھا تھا تو دو طلاقیں واقع ہوں گی ۔
ملاحظہ فرمائیں شامی میں ہے:

كرر لفظ الطلاق وقع الكل وإن نوى التأكيد دين، قوله وإن نوى التأكيد أي وقع الكل قضاءً وكذا إذا أطلق أشباه: أي بأن لم ينو استينافاً ولا تأكيداً لأن الأصل عدم التأكيد. (فتاوى الشامي: ۳/۲۹۳، سعيد).

اگر عدت گزری ہو تو بہر حال دونوں صورتوں میں تجدید نکاح کی گنجائش ہے، البتہ پہلی صورت میں تجدید نکاح کے بعد شوہر کو دو طلاقوں کا حق ملے گا، اور دوسری صورت میں صرف ایک طلاق کا حق حاصل ہوگا ۔
واللہ سبحانہ و تعالی اعلم