اخباری معمہ حل کرنے پر انعام کا حکم:

اخبار میں انعامی اسکیم شائع ہوتی ہے اس کو حل کرنے پر انعام حاصل کرنا جائز اور درست ہے اس میں کوئی حرج نہیں یہ یک طرفہ چیز ہے نہ اس میں قمار ہے اور نہ سود ۔ اور جو رقم اخبار خریدنے میں خرچ ہوئی اس کے عوض اخبار مل گیا ۔
ملاحظہ ہو تنویر الابصار میں ہے:

حل الجعل إن شرط المال من جانب واحد

وفي الشامية: جواز الجعل فيما ذكر استحسان. (تنوير الأبصار مع فتاوى الشامي: ٦/٤۰۲، كتاب الحظر والإباحة، سعيد).

فتاوی ہندیہ میں ہے:

وحرم شرط الجعل من الجانبين، لا من أحد الجانبين،

وإذا شرط من جانب واحد بأن يقول إن سبقتني فلك على كذا، وإن سبقتك فلا شيء لي عليك جاز استحساناً. (الفتاوى الهندية: ٦/٤٤۵، مسائل شتى).

فتاوی محمودیہ میں ہے:
اخبار میں شائع ہوا کہ جو شخص فلان چیز کا مطلب بیان کر دے یا فلاں مسئلہ کو حل کر دے تو اس کو اتنا انعام دیا جائے گا، پھر کسی نے اس کو حل کر دیا اور انعام ملا تو یہ انعام اس کی ملک ہے اس میں کوئی اشکال نہیں کیوں کہ یک طرفہ چیز ہے ۔ (فتاوی محمودیہ: ۱٦/٤٤۳، جامعہ فاروقیہ) ۔
فتاوی عثمانی میں ہے:
اگر بچوں سے انعام یا قرعہ اندازی میں شرکت کے لیے کوئی فیس وصول نہیں کی گئی تو یہ قمار نہیں ہے، اور قرعہ اندازی تقسیمِ انعامات کے لیے جائز ہے ۔ (فتاوی عثمانی: ۳/۳٤۲) ۔
حلال و حرام میں ہے:
ہاں اگر معمہ بھیجنے والوں سے کوئی فیس نہ لی جائے تو یہ صورت درست ہو گی اور اس رقم کی حیثیت خالص انعام کی قرار پائے گی ۔ (حلال و حرام، ص ۳۸۱) ۔
مزید ملاحظہ ہو: (مالی معاملات پر غرر کے اثرات، ص ٤۰۱) ۔
واللہ سبحانہ و تعالی اعلم