سٹا بازی کا حکم:

اس معاملہ کا مقصد شیئرز کی خریداری نہیں ہوتی ہے بلکہ بڑھتے گھٹتے دام کے ساتھ نفع نقصان کو برابر کر لینا مقصود ہوتا ہے، اس صورت میں معاملہ میں نہ تو خریدار کی طرف سے قیمت کی ادائیگی ہوتی ہے اور نہ بائع کی طرف سے مبیع کی حوالگی، لہذا یہ ناجائز ہے ۔
سٹا بازی قمار اور جوا کی ایک قسم ہے، لغت میں سٹا بازی کہتے ہیں (۱) ایک قسم کا جوا جس میں کسی بات کے متعلق حکم لگانے پر شرطیں کی جاتی ہیں، (۲) بیوپاری کا ایک سودا ۔ (فیروز اللغات، ۷۸۰) ۔
سٹا کے ناجائز ہونے کی دو وجوہات ہیں:
(۱) غیر مملوک کی بیع ۔
(۲) بیع قبل القبض ۔
دلائل کی تفصیلات کے لیے ملاحظہ فرمائیں: (اسلام اور جدید معاشی مسائل: ٤/۸۰ ۔ ۸۲ ۔ و جدید فقہی مباحث: ج ۱٦، و اسلام اور جدید معیشت و تجارت، ص ۸٤ ۔ ۱۱٤ ۔ و جدید معاملات کے شرعی احکام: ۱/۱۰۸ ۔ و فتاوی عثمانی: ۳/۱۸٦ ۔ و غرر کی صورتیں، ۳۷۱ ۔ ۳۷٦) ۔
واللہ سبحانہ و تعالی اعلم