بغیر قبضہ کے صرف زبانی ہبہ کا حکم:

بصورتِ مسئولہ باپ نے بیٹی کو صرف زبانی طور پر گھر ہبہ کیا تھا اور باپ نے بیٹی کو اپنی زندگی میں مالکانہ قبضہ نہیں دیا تھا، لہذا ہبہ صحیح نہیں ہوا اور گھر تمام ورثاء کے درمیان حسبِ سہام شرعی تقسیم ہوگا۔
ملاحظہ ہو فتاوی ہندیہ میں ہے:

منها (شرائط الهبة) أن يكون الموهوب مقبوضاً حتى لا يثبت الملك للموهوب له قبل القبض. (الفتاوى الهندية: ٤/۳۷٤).

فتاوی رحیمیہ میں ہے:
ہبہ تام اور صحیح ہونے کے لیے قبضہ کامل شرط ہے، در مختار میں ہے:
شرائط صحتها في الموهوب أن يكون مقبوضاً غير مشاع مميزاً غير مشغول

وتتم الهبة بالقبض الكامل. (الدر المختار: ۵/٦۸۸).

لہذا جب کہ مرحوم تا حین وفات جائداد پر خود ہی قابض و متصرف رہا ہے اور اس کی زندگی میں لڑکا اور لڑکی کا مالکانہ قبضہ اور تصرف ثابت نہیں ہے تو یہ ہبہ معتبر نہیں ہے، جملہ ورثاء وارث ہیں وہ اپنے حصے لے سکتے ہیں فتاوی مہدویہ میں ہے:

إذا مات الواهب قبل قبض الموهوب له الهبة بطلت وتكون ميراثاً من الواهب كما في متروكاته. (٤/۵۷۳).
(ماخوذ از فتاوی رحیمیہ: ۳/177) ۔
واللہ سبحانہ و تعالی اعلم