بغیر قبضہ کے ہبہ کا حکم:

بصورتِ مسئولہ ہبہ تام نہیں ہوا، وجہ یہ ہے کہ ہبہ تام ہونے کے لیے قبضہ ضروری ہے، اور قبضہ متحقق نہیں ہوا، دوسری وجہ یہ ہے کہ تحریر ی معاہدہ پر جن گواہوں کے دستخط ہیں ان کی گواہی بھی قابل قبول نہیں، کیوں کہ بیٹے کی گواہی باپ کے حق میں قابل قبول نہیں، اسی طرح غیر مسلم کی گواہی مسلمان کے خلاف مقبول نہیں، بنا بریں متروکہ زمین یحیی صاحب کی ملکیت میں داخل نہیں ہوئی اس وجہ سے تمام ورثاء کے درمیان حسبِ سہامِ شرعی تقسیم ہو گی ۔ در مختار میں ہے:

وشرائط صحتها في الموهوب أن يكون مقبوضاً غير مشاع مميزاً غير مشغول

وتتم الهبة بالقبض الكامل. (الدر المختار: ۵/٦۸۸، ٦۹۰، كتاب الهبة، سعيد).

فتاوی ہندیہ میں ہے:

منها (شرائط الهبة) أن يكون الموهوب مقبوضاً حتى لا يثبت الملك للموهوب له قبل القبض. (الفتاوى الهندية: ٤/۳۷٤).

فتاوی ہندیہ میں ہے:

ولا شهادة الولد لوالديه وأجداده وجداته من قبلهما وإن علو. (الفتاوى الهندية: ۳/٤٦۹ كتاب الشهادات، الفصل الثالث فيمن لا تقبل شهادته للتهمة).

در مختار میں ہے:

فيشترط الإسلام لو المدعي عليه مسلماً. (الدر المختار: ۵/٤٦۲، كتاب الشهادات، سعيد).

فتاوی عثمانی میں ہے:
شرعاً ہبہ کے لیے تحریری ہبہ نامہ مرتب کرنا ضروری نہیں، یعنی زبانی بھی ہو سکتا ہے، البتہ یہ ضروری ہے کہ جس شخص کو ہبہ کیا گیا ہے وہ ہبہ شدہ چیز پر قبضہ کر لے ۔ (فتاوی عثمانی: ۳/٤٤۳، کتاب الہبہ) ۔
واللہ سبحانہ و تعالی اعلم