ڈاڑھی منڈانے والے کو سلام کرنے کا حکم:

فقہاء کی عبارات سے پتا چلتا ہے کہ ڈاڑھی منڈانے والا فاسق و فاجر ہے، توبیخاً اس کو سلام نہ کرنا اولی ہے، ہاں اگر سلام میں اس کی تعظیم مقصود نہ ہو بلکہ تالیفِ قلب اور دین کی طرف مائل کرنا مقصود ہو تو ثواب کی امید ہے ۔
ملاحظہ ہو روح المعانی میں ہے:

ولا يجب رد سلام فاسق أو مبتدع زجراً له أو لغيره وإن شرع سلامه. (روح المعاني: ۳/ ۱۰۱، النساء: ۸٦).

امداد الفتاوی میں ہے:
تکبر حرام ہے اور مرتکب اس کا بالخصوص اس پر جو مصر و فاسق ہے اور فاسق کو ابتداء ً سلام نہ کرنا جائز ہے بلکہ اولی ہے ۔ (امداد الفتاوی:
٤
/
۲۷۹
) ۔
کفایت المفتی میں ہے:
فاسق کے سلام کا جواب دینا واجب نہیں لیکن جواب دینا جائز ہے مکروہ نہیں، جو لوگ ڈاڑھی منڈاتے ہیں یا منڈی ہوئی مثل کترواتے ہیں وہ فاسق کی تعریف میں شامل ہیں ۔ (کفایت المفتی:
۹
/
۱۰٦
) ۔