قرآن شریف غلط چھپا ہوا تو اس کی اشاعت کا حکم:

بصورتِ مسئولہ اگر ایک آدھ غلطی ہے جس کی تصحیح آسان ہو تو اس کو فروخت کرنے میں کوئی حرج نہیں ہے ہاں اگر فحش غلطیاں ہوں اور عوام کے غلط پڑھنے کا غالب گمان ہو تو اس کی بیع سے اجتناب کرنا ضروری ہے ۔
کیونکہ قرآنِ کریم کی حفاظت کی ذمہ داری اللہ تعالی نے لی ہے ۔
قال الله تعالى: ﴿إنا نحن نزلنا الذكر وإنا له لحافظون﴾
لہذا اغلاط وغیرہ سے پاک رکھنا ضروری ہے ۔ معارف القرآن میں ہے:
تمام اہل سنت و الجماعۃ کا اس پر اجماع ہے کہ موجود ہ قرآن بعینہٖ وہی قرآن ہے جو آں حضرت ﷺ پر نازل ہوا تھا اور ہر قسم کی تحریف اور تغیر و تبدل اور کمی اور زیادتی سے بالکلیہ محفوظ ہے اور ان شاء اللہ قیامت تک اسی طرح محفوظ رہے گا اور نہ اس میں تحریف ہو سکے گی اور نہ وہ ضائع ہو سکے گا کیونکہ حق تعالی شانہ ٗ کا وعدہ ہے،
إنا نحن نزلنا الذكر

الخ
۔ (معارف القرآن:
٤
/
۲۸۲
) ۔
امام فخر الدین رازی رحمه الله اپنی تفسیر میں فرماتے ہیں:

واعلم أنه لم يتفق لشيء من الكتب مثل هذا الحفظ، فإنه لا كتاب إلا وقد دخله التصحيف والتحريف والتغيير، إما في الكثير منه أو في القليل، وبقاء هذا الكتاب مصوناً عن جميع جهات التحريف مع أن دواعي الملحدة واليهود والنصارى متوفرة على إبطاله وإفساده من أعظم المعجزات وأيضاً أخبر الله تعالى عن بقائه محفوظاً عن التغيير والتحريف. (التفسير الكبير: ۵/۲٦۵).

معلوم ہوا کہ طباعت کی فحش غلطیاں بھی قابل اشاعت نہیں اس میں تلاوت کی غلطی کا امکان ہے، لہذا اس کو فروخت نہیں کرنا چاہیے ورنہ گناہ پر تعاون لازم آئے گا ۔
قال الله تعالى: ﴿ولا تعاونوا على الإثم والعدوان﴾ [المائدة: ۲].

نیز فقہ کا قاعدہ ہے کہ جب مصلحت اور مضرت دونوں جمع ہو جائیں تو مضرت کی جانب کو ترجیح ہو گی، اس اعتبار سے بھی اشاعت کی اجازت نہیں ہو گی ۔ شرح المجلہ میں ہے:

درء المفاسد أولى من جلب المنافع، أي إذا تعارض مفسدة ومصلحة قدم رفع المفسدة لان اعتناء الشارع بالمنهيات أشد من اعتنائه بالمأمورات ومما يتفرع من هذه القاعدة أن الرجل يمنع من التصرف في ملكه إذا كان تصرفه يضر بجاره ضرراً فاحشاً لان درء المفاسد عن جاره أولى من جلب المنافع لنفسه
ٖ
، انتهى. (شرح المجلة لسليم رستم باز اللبناني: ۱/۳۲، المادة: ۳۰، ط: دار الكتب العلمية).

واللہ سبحانہ و تعالی اعلم