چار ماہ کا حمل ساقط ہوا اور دوسرا بچہ پیٹ میں ہے تو آنے والے خون کا حکم:

اس مسئلہ کی دو صورتیں ہیں (۱) اگر دوسرا بچہ پہلے بچے کی پیدائش سے چالیس دن کے اندر اندر پیدا ہو تو پہلے بچے کی ولادت سے چالیس دن تک نفاس شمار ہوگا باقی استحاضہ (۲) اور اگر دوسرا بچہ پہلے بچے کے چالیس دن بعد پیدا ہوا تو یہ خون استحاضہ ہے نفاس نہیں ہے ۔
رد المحتار میں ہے:

والمرئي عقيب الثاني إن كان في الأربعين فمن نفاس الاول والا فاستحاضة. (رد المحتار: ۱/ ۳۰۱).
قال في الطحطاوي: ما تراه عقب الثاني إن كان قبل الأربعين فهو نفاس للأول لتمامها واستحاضة بعد تمامها فتغسل وتصلي كما وضعت الثاني وهو الصحيح كذا في البحر. (الطحطاوي على الدر المختار ۱/۱۵٤).