حیلۂ شرعی سے زکوۃ کی رقم مسجد میں لگانے کا حکم:

سخت ضرورت کے وقت زکوۃ کا روپیہ شرعی حیلہ کر کے مسجد وغیرہ کی تعمیر میں لگا سکتے ہیں، لیکن عام طور پر چونکہ اس کی ضرورت نہیں ہو تی لہذا مسجد کو للہ کی رقم سے بنا نا چاہیے اور بلا ضرورت حیلوں اور تدبیروں کو اختیار نہیں کرنا چاہیے ۔
فتاوی ہندیہ میں ہے:

وكذلك من عليه الزكاة لو أراد صرفها إلى بناء المسجد أو القنطرة لا يجوز، فإن أراد الحيلة فالحيلة: أن يتصدق به المتولي على الفقراء ثم الفقراء يدفعونه إلى المتولي ثم المتولي يصرف إلى ذلك كذا في الذخيرة. (الفتاوى الهندية: ۲/٤۷۳).

الدر المختار میں ہے:

وحيلة التكفين بها التصدق على الفقير ثم هو يكفن فيكون الثواب لهما، وكذا في تعمير المسجد الخ.

رد المحتار میں ہے:

(قوله وكذا) الإشارة إلى الحيلة. (الدر المختار ورد المحتار: ۲/۲۷۱، سعيد).

کفایت المفتی میں ہے:
سخت ضرورت کی حالت میں اس طرح حیلہ کر کے زکوۃ کی رقم مسجد میں خرچ کرنا جائز ہے کہ کسی مستحق زکوۃ کو وہ رقم بطور تملیک دے دی جائے اور وہ قبضہ کر کے اپنی طرف سے مسجد میں لگا دے یا کسی اور کام میں خرچ کر دے جس میں براہ راست زکوۃ نہ خرچ کی جا سکتی ہو ۔ (کفایت المفتی ٤/ ۳۰۵) ۔
فتاوی رحیمیہ میں ہے:
اگر کوئی شخص حیلہ کرنے پر مجبور ہے اور اس نے زکوۃ کے حقدار کو بلا کچھ ک ہے مالک و مختار بنا دیا پھر اس کو کارِ خیر میں خرچ کرنے کی ترغیب دی اور اس نے اس بات کو بخوشی منظور کر لیا تو زکوۃ ادا ہو جائے گی ۔ (فتاوی رحیمیہ ۲/۸) ۔