قیدی کی رہائی کے ضروری اخراجات میں زکوٰۃ کی رقم دینے کا حکم:

قیدی اگر فقیر اور مستحق زکوٰۃ ہے یعنی صاحب نصاب نہیں ہے تو وہ زکوٰۃ وصول کرنے کے لیے اپنی طرف سے کسی کو وکیل بنا دے، وکیل اس کی طرف سے قبضہ کرنے کے بعد اس کے حکم کے موافق خرچ کرے گا ۔ ملاحظہ ہو در مختار میں مرقوم ہے:

ويشترط أن يكون الصرف تمليكاً لا إباحة كما مر لا يصرف إلى بناء نحو مسجد ولا إلى كفن ميت وقضاء دينه إلى وقدمنا أن الحيلة أن يتصدق على الفقير ثم يأمره بفعل هذه الأشياء. (الدر المختار: ۲/۳٤٤، سعيد).

فتاوی ہندیہ میں مذکور ہے:

وكذلك من عليه الزكاة لو أراد صرفها إلى بناء المسجد أو القنطرة لا يجوز، فإن أراد الحيلة، فالحيلة أن يتصدق به المتولي على الفقراء، ثم الفقراء يدفعونه إلى المتولي ثم المتولي يصرف إلى ذلك، كذا في الذخيرة. (الفتاوى الهندية: ۲/٤۷۳).

فتاوی محمودیہ میں مرقوم ہے:
زکوٰۃ کا روپیہ غریب شخص کو دیا جائے پھر وہ اپنی طرف سے مسجد یا مدرسہ کے مقدمہ میں یا اور کسی کام کے لیے دے دے تو درست ہے، براہِ راست وہ پیسہ مسجد یا مدرسہ یا کسی غریب کے مقدمہ وغیرہ میں صرف کرنا یا تعمیر میں لگانا، تنخواہ میں دینا درست نہیں ۔ (فتاوی محمودیہ: ۱٤/۲٤۱، ط: محمودیہ، میرٹھ) ۔
واللہ سبحانہ و تعالی اعلم