دینی کتاب قبر میں رکھنے کی وصیت کا حکم:

بصورتِ مسئولہ ایسی وصیت پر عمل نہیں کیا جائے گا، اگر کسی نے عمل کیا تو بڑی بے ادبی کی، کیوں کہ کتاب میت کے خون وغیرہ میں ملوث ہو جائے گی، اور اگر کسی طاقچہ میں رکھ لی تو بھی درست نہیں ہے، کیوں کہ اس میں یہ عقیدہ کارفرما ہے کہ مردہ قبر میں کتاب پڑھے گا اور یہ صحیح نہیں ہے۔
ملاحظہ ہو فتاوی بزازیہ میں مرقوم ہے:

أوصي بأن يدفن كتبه معه لا يجوز إلا أن يكون فيها شيء لا يفهمه أحد أو فيها فساد فينبغي أن تدفن. (الفتاوى البزازية بهامش الهندية: ٦/٤٤۰، كتاب الوصايا).
قال في البحر الرائق: وإذا أوصي أن تدفن كتبه لم يجز إلا أن يكون فيها شيء لا يفهمه أحد ويكون فيه فساد فينبغي أن يدفن. (تكملة البحر الرائق: /٤۵٤، كتاب الوصايا).

آپ کے مسائل اور ان کا حل میں ہے:
قبر میں مردہ کے ساتھ قرآن مجید یا اس کا کچھ حصہ دفن کرنا ناجائز ہے، کیوں کہ مردہ قبر میں پھول، پھٹ جاتا ہے قرآنِ مجید ایسی جگہ رکھنا بے ادبی ہے، یہی حکم دیگر مقدس کلمات کا ہے، سلفِ صالحین کے یہاں اس کا تعامل نہیں تھا۔ (آپ کے مسائل اور ان کا حل:
۳
/
۲۳٦
)۔
واللہ سبحانہ و تعالی اعلم